網址更改到 myblog.kunglin.com

而家呢個網址只係試用性質,嚟緊我會用番自己嘅網域 kunglin.com 去post新嘅遊記。麻煩請轉去 http://myblog.kunglin.com 睇新嘅遊記啦。

張貼在 遊記, Uncategorized, 北海道, 日本東北 | 標記 , , | 發表留言

日本東北雪國之旅(三) – 仙台、南三陸

日期 : 一月廿四日及廿五日早上
天氣 : 天陰寒冷(廿四日)、天晴(廿五日)
行程 : 福島市 → 仙台 → 南三陸

今日行程嘅主打,係去我哋期待咗好耐嘅南三陸温泉酒店。由於福島市去南三陸嘅車程比較遠,我哋會喺仙台中途停留參觀同食午餐,然後再去南三陸。

由福島到仙台,主要係行高速公路,但仍然需要個幾鐘嘅車程。到咗之後,首先去參觀青葉城址。呢度係當年伊達政宗所建造嘅青葉城遺址,而城址上最出名嘅係一座伊達政宗騎馬雕像。

繼續閱讀

張貼在 遊記, 日本東北 | 標記 , , , | 1 則迴響

日本東北雪國之旅(二) – 会津若松、豬苗代湖

日期 ﹕一月廿三日
天氣 ﹕大雪 → 天陰
行程 ﹕米沢 → 会津若松 → 豬苗代湖 → 五色沼 → 福島市

今日嘅行程,首先係去西会津若松摘士多啤梨。由於琴晚一直落雪落到今朝,我哋攞車嘅時候,發現架車上面積咗一層厚厚嘅雪。所以我哋出車之前,首先要清理咗車上面嘅雪先。

其實清理積雪都唔容易o架,車上面嘅雪掃嚟掃去都掃唔乾淨,最終我只係清理好車窗同倒後鏡上嘅積雪,其他地方掃下就算。
繼續閱讀

張貼在 遊記, 日本東北 | 標記 , , , , | 發表留言

日本東北雪國之旅(一) – 米沢

日期 ﹕一月廿二日
天氣 ﹕天晴 → 大雪
行程 ﹕香港 → 東京 → 米沢

今次嘅旅行,半年前就已經開始籌備。但由於個旅程同農歷新年有重疊,而且日數仲要多過七日,如果買CX嘅機票會比較貴。最終,我哋買咗Delta嘅來回東京機票,連附加費都只係四千蚊左右。喺農歷新年檔期,算係好抵。

繼續閱讀

張貼在 遊記, 日本東北 | 標記 , | 發表留言

日本東北雪國之旅 – 序

往鶴之湯風景剛剛去完日本東北返嚟。今次嘅旅程有十六日,好豐富,我哋玩得好盡興。上年夏天去北海道,令我哋最難忘嘅係D食物,其次就係薰衣草原。而今次冬天到日本東北,就各方面都好出色,行程包羅咗不同嘅元素,有風景雪景、美食、溫泉、滑雪、睇日出、冰上釣魚。仲有機會喺冰天雪地上揸咗八日車,真係另一種嘅體驗。

今次十六日嘅行程,時間上較為充裕,行程编排上面亦較有彈性。我哋可以好悠閒咁享受今次嘅旅程。
繼續閱讀

張貼在 遊記, 日本東北 | 標記 , , , , , , , , , , , , , , , , | 發表留言

北海道之夏(十四) – 小樽 (完)

日期 ﹕七月十四日至十五日
行程 ﹕=> 小樽 => 香港


食完美味嘅海膽,我哋就揸車返小樽。途中經過余市郡,路邊有好多車厘子直賣嘅攤檔,我哋本來就好鍾意食車厘子,所以買咗盒千幾円嘅佐籐錦車厘子嚟試下。我哋急不及待喺車上面開嚟食。雖然係貴D,但真係好好食,D味道爽口帶清甜,物有所值。

繼續閱讀

張貼在 北海道 | 標記 , , , , , | 3 則迴響

北海道之夏(十三) – 積丹海膽

日期 ﹕七月十四日
行程 ﹕積丹

跟住落嚟,就要到今日嘅主角,海膽飯。其實我哋揸四個鐘車來回積丹,就係為咗一試積丹出產嘅新鮮海膽。政府為咗確保海膽嘅數量,每年只准漁民於六至八月捕海膽。而呢幾個月又係馬糞海膽嘅產期,要食新鮮嘅馬糞海膽,就要襯呢個時候去。

繼續閱讀

張貼在 北海道 | 標記 , , | 1 則迴響