北海道之夏(一) – 札幌


日期﹕七月四日 – 五日
行程﹕香港 => 首爾 => 札幌

我哋買咗大韓嘅機票,零晨起飛,要飛5個鐘去首爾,再喺首爾等5個鐘轉機去北海道。大約中午前就會到達新千歲機場。

上機之前,我哋去咗翡翠拉麵食晚餐。以前已經試過佢嘅其他幾間分店,佢啲小籠包算唔錯,但今次喺機場呢間,竟然令到我哋十分驚喜。

隻小籠包嘅皮我唔係好識比較,但用筷子夾起唔會穿,咬落去又覺得好薄。咬穿咗層皮,裏面好多肉汁、好鮮甜,豬肉亦好林、好滑,真係讚不絕口。

食完飯,就開始過海關,準備上機。當晚係世界盃八強賽,阿根廷對德國嘅日子。我哋喺候機室上網睇即時賽果,見到德國由驘1:0變成4:0,好驚訝、好想睇到場波,不過都無辦法,唯有齋睇比數啦。

搭大韓機,飛機餐我揀咗韓式撈飯。味道唔錯,幾好食,穩陣之選。

架飛機零晨起飛,5點到首爾。要等近5個鐘再轉機去北海道,等待嘅過程幾漫長。無乜好做,影下日出先。

到咗北海道之後,首先去食lunch醫肚。我哋揀咗蟹本家食我哋嘅第一餐,食嘅係全蟹料理。呢一餐我哋覺得好滿意,我哋叫咗兩個"小形"會席料理,佢哋將啲蟹做成好多唔同嘅菜式。每碟細細哋,但係樣樣都好好味。

這個蟹粥真係好味到不得了, 三個字形容 – 鮮 ! 甜 ! 掂 ! 食完飯之後就開始觀光,去睇幾個standard嘅景點 : 道廳舊本廳社、時計台、Tower38。

上Tower38嘅時間,專登揀黃昏之前,上到去可以睇哂札幌嘅日景、日落同夜景。

喺 Tower38睇完日落之後,就去咗味之時計台食拉麵。本來對札幌拉麵無太大期望。諗住唔會比香港有名嘅拉麵店好幾多。但結果係……竟然無論係拉麵、 味噌湯定係舊叉燒,全部都比香港嘅好食好多。我完全明白點解札幌代表性嘅食物係拉麵。不過下次唔會再點帆立貝拉麵 , 因為啲帆立貝普普通通 , 無乜特別.

第二日一早去咗場外市場嘅北之漁場食早餐。叫咗海鮮丼、墨魚麵、帆立貝刺身同另一個貝類嘅刺身,再叫咗個燒帆立貝。個帆立貝刺身OK,幾鮮甜。個墨魚麵幾新鮮,口感幾特別。個海鮮丼同燒帆立貝無乜特別,另外 嗰個貝類嘅刺身直頭唔得,又硬又腥。同之前嗰兩餐比較,呢餐就真係有D失望。

之後返札幌,購物後再去食午餐,呢餐係我哋好期待嘅海膽餐 – 函館うにむらかみ。 之前睇和味無窮,已經比佢介紹嘅無添加海膽吸引。但係電視介紹嘅地點係函館,我哋今次唔會去,覺得好可惜。好彩後來上網,發現佢札幌有分店,我哋一於走去試吓。今餐嘅主角係海膽丼,佢用咗最出名嘅利尻產蝦夷馬糞海膽做,每年只有六至八月可以食到,一日限售十份。個海膽飯好得,D海膽好鮮好甘甜,見到佢一粒一粒,但一入口即溶,好好食。

另外我哋仲叫咗燒海膽、海膽飯團試吓。兩味海膽料理都OK,幾特別。

午餐之後,再試咗幾個出名嘅甜品,就去機場meet個旅行團,開始跟團嘅行程。

This entry was posted in 北海道 and tagged , , , , , . Bookmark the permalink.

1 則回應給 北海道之夏(一) – 札幌

  1. Terry Liu 說:

    That’ great !!!!!

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s